Wednesday, April 13, 2011

ജന്മം


" ഓരോന്നിനായ്‌ ഓടി നടന്ന കാലങ്ങള്‍ ,

ഒടുവില്‍ ഒന്നും നേടാനാവാതെ  മണ്‍തരികള്‍ക്കടിയില്‍  ഒന്നു മറിയാതെ ..
ഓടി നടന്ന കാലങ്ങള്‍ മറന്നു ....

 ഓര്‍മ്മകള്‍ കൂട് കൂട്ടിയ മനസിന്‍റെ ചില്ലകള്‍ ഒടിഞ്ഞു പോകുന്നു ,.

എല്ലാവരിലും ഞാന്‍ ഒരു വേദനയായ് നിറയുന്നു ..

കണ്ണുനീര്‍തുള്ളികള്‍  എനിക്കായ് പൊഴിയുന്നു .,

ഞാന്‍ ഓടിനടന്നത്  എന്തിനു  വേണ്ടിയായിരുന്നു ?

എന്താണ് ഇന്ന് എന്‍റെ കയ്യില്‍ ഉള്ളത് ? "

കാത്തിരിപ്പ്‌



" എങ്ങോ എവിടെയോ എനിക്കായ് നീ കാത്തിരിക്കുമ്പോള്‍,.


ആ  നിനക്കായ്  ഞാന്‍  നിമിഷങ്ങള്‍   എണ്ണി തീര്‍ക്കുന്നു ..


രൂപമോ ഭാവമോ അറിയാത്ത നിന്നെക്കുറിച്ച് ഞാന്‍ സാങ്കല്പിക

രൂപങ്ങള്‍ മെനയുന്നു ...


എന്നു കാണുമെന്നറിയാതെ കാത്തിരിപ്പു നിനക്കായ് .............."

സുഖം


" വെയില്‍ പാതി മാഞ്ഞൊരു സന്ധ്യയില്‍ ഞാന്‍ തനിച്ചിരിക്കവേ.,

വന്നു നിറഞ്ഞു നീ എന്‍ ഓര്‍മകളില്‍ ...,

ഇതു പോലൊരു ഏകാന്തതയില്‍ എനിക്കു നീ കൂട്ട് വന്നു ....

പല യാത്രകളിലും നീ എന്റെ ഒപ്പമുണ്ടായിരുന്നു ..

പലതും പറഞ്ഞു ചിരിച്ച ദിനങ്ങള്‍ ..

ജീവിതത്തിലെന്നും ആദ്യവസാനം കൂടെയുണ്ടാകുമെന്ന് പറഞ്ഞ നീ ...

ആ വാക്കുകളില്‍ ആശ്വാസം കണ്ട ഞാന്‍ ...

ഇത്തിരി നാളില്‍ എനിക്കായി പങ്കിട്ടു തന്ന നിന്‍ സ്നേഹം, ....

ഇന്നും ഓര്‍ക്കുമ്പോള്‍ തീരാവേദന സമ്മാനിക്കുന്നു നിന്‍ അകല്‍ച്ച..........

അകലത്തിലേക്ക് നീ മാഞ്ഞു പോയപ്പോഴും ., മനസിന്‍റെ ഏറ്റവും അടുത്ത കോണില്‍ മായാതെ ഉണ്ടായിരുന്നു നീ......

നീ അറിയാതെ ഒരുപാട് വേദനിക്കുമ്പോഴും , ആ വേദനകളില്‍ ഒരു സുഖം കണ്ടെത്തി ഞാന്‍ ..

സുഖ ദുഃഖം ഒരുപോലെ പങ്കിട്ട നാം ...

ഇന്ന് ദുഖമെന്ന സുഖത്തില്‍ ഞാന്‍ മാത്രം .........."